அக்கினிக் குஞ்சொன்று கண்டேன்!

எங்க ஊரில பொங்கல் விழா நடந்திச்சு. அப்ப அதில பாட்டுப் பாட வேண்டி அம்மா, அப்பா, பாட்டி எல்லாரும் எனக்குப் பாடச் சொல்லித் தந்தாங்க. நாங்க பொங்கல் கொண்டாட்டத்துக்குப் போனம். அங்கெ நிறைய ஆக்கள் இருந்தாங்க.

என்னயக் கூப்பிட்டுப் பாடச் சொன்னாங்க. அப்பாவும் என்னொட மேடைக்கி வந்தாங்க. வந்து மைக்கைப் பிடிச்சுக் கொண்டாங்க. நா வந்து அகர முதல, குழல் இனிது யாழ் இனிது திருக்குறள் ரெண்டும் சொல்லிப்போட்டு, ரெண்டு பாட்டுப் பாடினென். அதான் துடுப்பிடு துடுப்பிடு பிறகு மின்னி மின்னி விண்மீனே. அது ரெண்டையும் English அப்புறம் தமிழ்ல பாடினேன்.

பாடினத்துக்குப் பிறகு அப்பா இன்னொரு பாட்டு பாடச் சொல்லி மைக்கை நீட்டினாங்க. நா சொன்னேன், "எனக்கு ஒன்னுக்கு வருது", எண்டு. எல்லாரும் சிரிச்சாங்க. அப்பாவும் சிரிச்சுப்போட்டு, இதப் பாடி முடிச்ச பிறகு போலாமெண்டு சொன்னாங்க. சரியெண்டு நா அக்கினிக் குஞ்சொன்று கண்டேன் பாட்டப் பாடினென். இங்கெ போயி அதை நீங்களும் கேட்கிறிங்களா?

எல்லாப் பாட்டும் பாடி முடிச்ச பிறகு எனக்கு ஒரு பரிசு குடுத்தாங்க. அது ஒரு கார் புத்தகம்!