என்கிட்ட ஒரு வண்டு இருக்கு

அம்மா அப்பா நா எல்லாரும் நடக்கப் போனம். நா ஒரு குச்சிய கீழ கிடந்து எடுத்தென். குச்சிதான் என்னோட புல் வெட்ற எந்திரம். வழி ஓரத்தில இருந்த புல் மேல ட்ர்ர்ர்ருன்னு ஓட்டிக்கொண்டு போவென். கொஞ்சம் நேரத்தால அப்பா, "தம்பி, இங்க ஓடி வாங்களே ஒண்டு காட்டுறென்" எண்டு கூப்பிட்டாங்க. என்னவெண்டு போய்ப் பாத்தா அது ஒரு வண்டு. நா தொடலை. பயமா இருந்திச்சு. அது கடிக்குமா எண்டு கேட்டென். இல்லை அது செத்துப் போச்சு எண்டு கையில எடுத்துக் காமிச்சாங்க. அம்மா அதை ஒரு குப்பியில போட்டு வைக்கலாமெண்டு சொன்னாங்க. அந்த வண்டுக்கு ஆறு கால்கள். ரெண்டு பெரிய்ய கண்கள். 4 செட்டைகள். நாங்க அதைப் படம் எடுத்தோம். நா அதைத் தொட்டென். பிரட்டினனா, ஒரு காலில கொஞ்சம் உடஞ்சு போயிடுச்சு. இந்த வண்டை ஒரு பெட்டியில வச்சிருக்கிறன்.
இது என்ன வண்டு தெரியுமா? இந்த வண்டுக்குப் பேரு சிகாடாவாம் (Cicada). அப்படின்னா சுவர்க்கோழி எண்டு அர்த்தமாம். இதுதான் ராத்திரியில க்ரிங்ங்ங்ங்ங் எண்டு சத்தம் போடுமாம். சத்தம் வருது, பாப்பமே எண்டு கிட்டக்க போனா கண்டு புடிக்கவே முடியாதாம். இதெல்லா எனக்கு எப்படித் தெரியும் எண்டு பாக்கிறீங்களோ? இயற்கை நேசி அண்ணாதான் சொன்னாங்க!